Polomolok, South Cotabato – Dead on arrival sa Polomolok Municipal Hospital ang lalaking nitabok sa dalan human malatayan og trak nga ginagamit sa pinyahan.
Base sa imbestigasyon sa Traffic Section sa Polomolok Municipal Police Station giila ang namatay sa pangalang Victorio Gandulan, 43 anyos, minyo ug residente sa Purok 4, Malugong, Tboli, South Cotabato.
Dugang imbestigasyon sa kapolisan, naglawig sa National Highway ang Mitsubishi Bin Truck nga gidrayban ni Ryan John Hollero, 38 anyos, minyo gikan og Station 4 sa pinyahan sa Brgy. Polonoling, Tupi, South Cotabato paingon og Brgy. Cannery Site sa maong munisipyo.
Pag-abot matod pa sa kanto sa dalan nga paingon og Pagalungan Hospital aksidenteng nabanggaan sa drayber sa trak ang biktimang nitabok ra sa dalan og kini nalatayan.
Gidala sa ospital ang maong biktima aron matagaan og atensyong medikal apan nakabsan na sa iyang kinabuhi bag-o pa makaabot sa balay tambalanan.
Gidala sa Polomolok Municipal Morgue ang patayng lawas sa nasangpit para sa pagpailawom sa post mortem examination.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: disgrasya.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
