‘No bakuna card, no Barangay clearance’ suportado sa LGU-Davao

69

Davao City – Walay nakitang problema ang City Government of Davao sa palisya nga ipatuman sa Barangay Malabog, Davao City sugod Oktubre 1, 2021 nga ‘No Vaccine card, No Clearance, Certification ug ID’.
Apan gisugyot ni Davao City Mayor Sara-Carpio (sa interbyu sa city-owned radio) ngadto sa Barangay Malabog nga dili lamang nila basehan ang vaccination card tungod kay pwede kining mapeke, diin panahon nga pwede nang makita sa SafaDavao QR (DQR) ang vaccination status sa usa ka indibidwal, mamahimo na nila nga didto kini makumpirma.
“I agree with that (No Vaccine, No Clearance), but we will just remind Brgy. Malabog nga dili mag-rely sa vaccination card because dali siya ma-fake ang vaccination card. So, they should check with the database of the vaccination cluster, and once ma-migrate nato ang data nato gikan sa vaccination cluster padulong sa atong DQR, then they should check using the DQR kung fully vaccinated ba ang tao,” saysay sa alkalde.
Nasayran nga namugna ang maong desisyon human nga nabutang sa High Risk Barangay sa COVID-19 sa syudad ang Barangay Malabog.
Nakahatag na usab ang barangay og kopya sa Executive Order (EO) ug naghulat kung adunay abiso ang City Government of Davao ug Department of Local Government (DILG) bahin niini.

RadyoMaN Kirby Manzon


Facebook Comments