‘No face mask, no entry’ gipatuman sa Bankerohan, Agdao Public Markets

Davao City – Subling nagpahimangno ang Davao City Economic Enterprises sa tanang vendors ug customers sa Bankerohan Public Market ug Agdao Public Market nga magsu-ot og face mask samtang namalengke aron malikay sa Coronavirus disease (COVID-19).

Sa interbiyu sa DXDC RMN Davao kang Nanay Helen, usa sa mga vendor, duna gihapo’y mga vendors ug customers ang wala maggamit og face mask sa merkado publiko sa Bankerohan.

Gipatuman usab ang paghugas sa kamot ug pagsulat sa pangalan sa logbook una makasulod sa palengke.


Samtang sa Agdao Public Market, daghan na ang naggamit sa face mask apan wala matuman ang social distancing tungod kay dikit-dikit ang pwesto sa mga vendors.

RadyoMaN Don Pulayao

Facebook Comments