‘No ID, No Entry’ ipatuman vs kadudahang tawo

34

Davao City – Iimplementar lang sa mga kadudahang tawo diha sa mga sam-ang ang ‘No ID, No Entry Policy’ sa Davao City Police Office (DCPO).

Kini maoy giklaro ni DCPO Chief P/Sr. Supt. Alexander Tagum atol sa gipahigayong AFP-PNP Presscon diin segun niini nga ilang sigurohon nga sutaon kung asa muadto ang maong gisuspetsahan.

Gitataw ni Tagum nga basehan sa pagpatuman sa maong palisiya mao ang mga walay ginabuhat sulod sa mga sam-ang ug nagalibot lamang aron makakita og higayon nga makabuhat og kagubot.

Gani, dakpon kini sa kapulisan ug pagawson aron magpabilin ang kahusay ug kalinaw atol sa pagkomemorar sa adlaw sa mga minatay.

Awhag ni Tagum nga magdala na lamang og identification cards aron dili na mapangutan-an o masukit-sukit og dugay sa kapulisan.

RadyoMaN Jason Amisola

Facebook Comments