‘No to single use plastics’ awhag sa mga environmentalists

36

Davao City – Padayong nag-awhag ang pipila ka mga enviromental advocates nga undangon na ang paggamit og single use plastics nga dako ang nahimong kadaot sa kinaiyahan ug sa kadagatanan.

Sumala ni Kinaiyahan Foundation Inc. Executive Director Betty Cabazares nga kinahanglang masabtan sa katawhan ang epekto sa paggamit sa plastics.


Matud ni Cabazares una kita mugamit sama sa plastics hunahunaon kung asa kini mapadulong inig dili na kini mapuslan o usa kini ka basura.

Sa lantaw ni Cabazares nga paspasa ang implementasyon sa pag-ban sa single use plastics apan nalipay kini kay adunay mga pipila ka mga tunghaan, establisyemento ang gidili ang paggamit sa single use plastics.

Samtang sumala ni Davao based American Marine Biologist Darrell Blatchley nga kayang mapatuman ang ban sa plastics sa entero Davao kung magtinabangay gayod ang tanan.

Gipunto ni Blatchley nga disiplina sa matag usa diha sa mga kaugalingong basura.

Sumala sa Environmental group nga Greenpeace nasa-rank 3 ang Pilipinas nga largest water polluter sunod sa nasud China ug Indonesia.

RadyoMaN Aimee Guinita

Facebook Comments

From Advertisers