Nobyo nga nagakatulog kaupod ang nobya, ginbuno sang tiyo sang iya kahagugma

869

Iloilo City- Ginbuno ni Emmanuel Vila, 43 anyos , residente sang Brgy. Balabago , Jaro ang nobyo sang iya hinablos nga ginkilala kay John Hay Javelina, 26 anyos alas 10:30 kagab-i.

Nahibaluan nga gintawag sang tiyo nga si Emmanuel ang iya hinablos nga si April Alipo-on nga nagakatulog sa kwarto kaupod ang nobyo apang wala ini nagsabat.

Bangud yara sa impluwensya sang makahulubog nga ilimnon, ginsulod sang tiyo ang kwarto sang hinablos kag ginbuno ang biktima gamit ang 14 pulgada nga kutsilyo.


Nakaagum sang pilas sa hita ang biktima kag ginpadangat sa hospital samtang natigayon naman nga madakpan ang suspitsado.

Facebook Comments