Nobyo nga nagpakighilawas sa nobya, patay matapos ginbuno buno sang nagpangimon nga tupad balay

CAUAYAN – Nagsungka na sa kapulisan pasado 1:30 kaina sang hapon ang suspetsado nga si Dante Vargas, 49 anyos may asawa sang Purok 7, Barangay Isio.

Si Vargas ang ginatudlo nga nagbuno kag nagpatay sa biktima nga si Jay Singson, 37 anyos, soltero sang Barangay Caliling.

Madumdoman nga pasado alas 9 kagab-i, November 17, ang biktima nga si Jay ang nakighilawas sa iya nga nobya sang ginsulod sang suspetsado ang payag sang manikurista nga si Alyas Inday, 37 anyos.


Antis pa man sina, nag-inom anay si Jay kag Inday bilang pampainit sa mabugnaw nga kagab-ihon.

Pagkatapos inom, didto na nila ginhimo ang pagpakighilawas apang posibli bangod kay nagainit na ang gab-i nalipatan nila nga magpanarado sang pwertahan sa kusina, sa diin dira naman nag-agi ang suspek pasulod sa gamay nga kulukwarto.

Nabal-an nya nga nagapakighilawas gid ang duha bangod ginlingling nya anay ini una antis ginsulod ang payag sa diin ginbuno- buno nya ini sa likod samtang ang magnobya ang ara pa sulod sang moskitiro.

Nagahapaon pa ini sang masapwan sang mga otoridad sa diin wala na sya nakaguwa pa bangod sa patal nga pilas sa iya likod.

Si Inday pa ang nagpasuksok sang brief kay Jay.

Si Inday ang nagbangon, nagdalagan paguwa sa payag nga hublas sang amu nga tion kag nagpangayo sang bulig sa mga kaigod.

Posible nga nangimon ang suspetsado bangud ginasiling may luyag man ini sa babaye, apisar nga ini ang may asawa na kag may kabataan.

Suno sa report nga nagpanghagad ang suspek kay Inday sadto pa nga kon tani pasugtan man ini nga makighilawas sa iya apang nagpamalibad ang babaye sa pagpati nga kaingod balay manlang sila kag basi mamutikan sila sang mga tawo sa palibot.

Ang antad sang balay ni Inday kag Dante mga mas o menos 6 manlang ka dupa.

Ang suspetsado ang detenado subong sa custodial facility sang Cauayan Police Station kag pasakaan sang nagakaigo nga kaso.

Facebook Comments