NOCPPO, gina-kondena ang pagpatay sang 4 ka pulis sa Negros Oriental

56

Gina-kondena naman sang Negros Occidental Police Provincial Office ang brutal nga pagpatay sang apat ka miembro sang Regional Mobile Force Battalion 7 sa Sitio Yamot, Brgy Mabato, banwa sang Ayungon Negros Oriental, nagligad nga huwebes.

Nagpalab-ot naman si NOCPPO provincial director – Police Col. ROMEO BALEROS, sang iya simpatiya sa pamilya sang apat ka pulis nga ginpatay naman sang mga ginapatihan nga katapo sang New People’s Army – NPA.


Nagapawagan man si Baleros nga dapat untaton na sang CPP-NPA-NDF ang mga ‘barbaric kag inhumane acts’.

Suno kay Baleros,“We ask the support of the general public in our combat against terrorist groups, these terrorists who have nothing in mind but to create fear among the populace must heed to the call to stop on this senseless loss of lives which would only result to grief and sorrow”.

Nahibalu-an nga naga-gwa sa report nga gin-torture anay sang mga rebelde ang apat ka pulis antis ini sila ginpamatay.

*Tags: Visayas, Bacolod, DYHB*

Facebook Comments

From Advertisers