NODJ magahatag reward sa makatudlo sa mga nakapalagyo nga priso

15

Nagpaguwa na sang reward ang Negros Occidental District Jail (NODJ) para sa makatudlo sa duha ka mga priso nga nagpalagyo, pasado las-4:00 sang kaagahon, Agosto 31.

Ang mga priso nga nagpalagyo ang ginkilala nga sanday Jimmy Sablon sang Brgy. Robles, La Castellana, kag may kaso nga frustrated murder kag Ramonito Ventura sang Brgy. Buenavista, Murcia nga convicted naman sa kaso robbery by the use of force.Ang NODJ magahatag sang tig-P10,000 nga reward sa tagsa ka mga escapees.

Sa karun padayon ang pagpangita sa duha kag mismo ang ila tagsa ka pamilya ang ginkadtuan naman sang NODJ personnel. Nagapanawagan naman ang warden sang NODJ nga si Chief Inspector Norberto Miciano Jr. sa sin-o man nga nakakita sa mga inmate nga gilayon mag-report sa ila. Nagapanawagan man si Miciano sa himata sang mga inmates nga indi man sila pagtaguon agud indi madala sa kaso sa ulihi.

[image: image.png]

Facebook Comments