NOHS padayon lang ang preparasyon madayon man ukon indi ang klase sa Agosto 24

23

Padayon lang nga naga-preparar ang Negros Occidental High School (NOHS) madayon man ukon indi ang pag-bukas sang klase sa Agosto 24, 2020 santo sa mando sang Department of Education (DepEd).

Ginpahayag sa DYHB ni NOHS Principal Mario Amaca, nga bangud may mando na ang DepEd tuhoy sa opening sang klase sa Agosto, nagapreparar sila apang ginahulat man sini ang tikang sang Kongreso kun ini ang bag-uhon.


Suno kay Amaca, kun wala sang community quarantine, yara na sa 70 porsyento ang ila preparasyon para sa school opening nga ginalakipan sang nagkalain-lain nga modalities kaangay sang face to face sa diin 20 lang ka estudyante ang klasehan kag dapat may social distancing, pag-schedule sang inadlaw sang klase sa diin bulos-bulos ang mga estudanye agud maakomodar ang classroom population.

Samtang ang mga estudyante nga indi madala sa 20 nga yara sa classroom, sila ang ipaidalom sa online classes ukon virtual learning.

Apisar sang ila preparasyon, nagahulat man si Amaca kun maghulag ang Kongreso kag amyendaran ang RA 7797 ukon AN ACT TO LENGTHEN THE SCHOOL CALENDAR FROM TWO HUNDRED (200) DAYS TO NOT MORE THAN TWO HUNDRED TWENTY (220) CLASS DAYS sa diin nasaad sa Section 3 nga ang tagsa ka school year ang magabukas sa una nga Lunes sang Hunyo kag indi maglapaw sa ulihi nga adlaw sang Agosto.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments