Sumailalim sa quarter monitoring at enforcement activity ng Department of Trade and Industry Region 1 ang ilang pamilihan sa probinsya ng Ilocos Sur.
Dalawamput limang pamilihan ang kabuuang nabisita ng grupo sa mga munisipalidad ng Santiago, Sta.Lucia, Sta. Cruz, Tagudin at Candon City, Ilocos Sur.
Pito sa mga ito ang naisyuhan ng Notice of Violation.
Ilan sa mga ininspeksyon na produkto ay steel bars, angle bars, G.I. wires, ceramic tiles, plywood maging mga consumer products tulad ng LPG regulator, brake fluid, rubber inner tubes at pneumatic tires.
Naglalayon ang aktibidad na tiyakin kung ang lahat ng establisyimento ay sumusunod sa Fair-Trade laws tulad ng Product Standards Law, Accreditation of Service and Repair Shops, Private Emission Testing Centers, Business Name Law, Price Tag Law at Vape Law. | 𝙞𝙛𝙢𝙣𝙚𝙬𝙨
