NPA, nangayo ug pasaylo sa pagkapatay sa upat ka bulan nga bata?

Bukidnon – Nagpadayon karon ang focus military operation sa Armed Forces of the Philippines kon AFP ilabina sa mga dapit nga adunay presensiya sa mga New Peoples Army kon NPA.

Sa interview sa RMN Malaybalay ngadto kang Capt. Norman Tagros, ang spokesperson ug Civil Military Officer sa 403rd infantry peacemaker brigade gibutyag niini nga ilabina sa ilang target ang lungsod sa Talakag human sa gihimong pagpang-ambush sa mga NPA ning nakalabay nga adlaw nga nagresulta sa pagkamatay sa usa ka pulis ug usa ka upat ka bulan nga batang babaye ug pagkasamdan sa laing 6 pa nga naglangkob sa pulis ug sibilyan.

Matud ni Tagros nga dako usab nilang gikatingala tungod kay usa ka adlaw human nangambush ang mga NPA nga gikamatay sa mao nga mga biktima gibanhigan usab niini ang mga kapulisan nga naghimo ug imbestigasyon sa crime scene.


Sigun ni Capt. Tagros nga tumong lamang unta daw sa imbestigasyon nga masayran ang tinood nga nahitabo.

Nagduda na hinoon ang militar nga gihimo sa mga NPA ang pagbanhig ngadto kapulisan aron dili mapagawas ang resulta sa gihimong imbestigasyon sa una nilang pag-ambush.

Samtang gipasigarbo usab ni Ka Malem Mabini ang tigpamaba sa New Peoples Army-North Central Mindanao Region ang gihimong ambus sa pwersa sa Bagong Hukbong Bayan-Mt. Kitanglad-Sub-Regional Command (MK-SRC) didto sa KM 28, Talakag-Bombaran Road sa Talakag, Bukidnon.

Nakuha daw nila ang usa ka M16 Armalite rifle nga adunay 10 ka magasin ug duha ka 9mm kalibreng pistola.

Gikumpirma usab niini nga adunay naigo sa tiil nga usa ka elemento sa NPA.

Gipahayag ni Mabini nga daw wala tuyoang naangin ang mga sibilyan nga sakay sa usa ka Toyota Fortuner.

Gipadangat sa BHB-North Central Mindanao Region ang pahasubo ug ang pagpangayo og pasaylo ngadto sa kabanay sa mga naangin nga sibilyan.

Nangita matud pa sila karon og mga pamaagi sa pagdugtong sa kabanay ug kahigalaan sa mga naangin aron sa pag- indemnify.

Gidugang pa sa maong tigpamaba nga dili kalikayan nga sa proseso sa padayong gubat sibil sa Pilipinas aduna gyuy pipila ka panghitabo nga susama niini.

Una nang hugot nga gikondena sa kapulisan ug kasundaluhan ang gihimong pag-ambush sa mga NPA.

Facebook Comments