Gumikan kay walay pamilya ang nag-claim sa usa ka sakop sa rebelding New Peoples’ Army (NPA) nga napatay sa engkwentro sa Sitio Ago, brgy. Magsaysay, Prosperidad, Agusan del Sur mao’ng gilubong na lamang kini sa kwerpo sa kapulisan.
Napatay ang usa ka lalaki nga sakop sa NPA niadtong nakalabyang adlawng Biernes sa dihang na-engkwentro kini sa 3rd Special Forces battalion human mirespondi sa tahu nga gipaabot sa mga sibilyan kabahin sa presensya sa mga NPA nga nangilkil sa maong lugar.
Nakuha tapad sa patay’ng lawas sa NPA ang usa ka M14 riffles, mga magazine ug buhing bala.
Ang pagpahiluna sa patay’ng lawas gipaningkamotan sa Prosperidad Municipal Police Station, 9th Special Forces, Agusan del Sur 1st Provincial Mobile Force Company ug local nga kagamhanan sa lungsod sa Prosperidad, Agusan del Sur.
[image: npa pros.jpg]
