NPA nga dugay nang wanted dakpan sa Butuan

NPA dakpan sa Intel Operatives sa Butuan Police Office
Malampusong nadakpan sa hiniusang pwersa sa Butuan City Police Intelligence Branch, Butuan City Mobile Force Company, Butuan City Police Station 4, Surigao del Norte Police Provincial Office ug 29th IB Phil. Army ang usa ka sakop sa rebelding New Peoples’ Army (NPA) kinsa giila usab nga Top 3 Most Wanted Person Regional Level sa Caraga region.
Giila ang dinakpan nga si Regil Dapeñagan Dano, ‘alyas Dongay Jay Dano, Pluto’ kinsa membro sa Samahang Yunit Propaganda 21C Guerilla Front 21, North Eastern Mindanao Regional Committee ug adunay giatubang nga orden de arresto sa kasong Murder ubos sa criminal case no. 2020-544 nga giisyu ni Hon. Judge Marigel Dagani- Hugo sa RTC ug walay girekomindang pyansa.
Si Dano ang gikustodiya karon sa Butuan City Police Station 4 ug naghuwat na lamang sa commitment order aron ibyahe kini sa Butuan City Jail.

Facebook Comments