NPA nga napatay nga sa engkwentro sa Bukidnon usa ka commander

Patay sa engkwentro batok sa militar ang lider o commander sa Guerilla Front 68 sa New Peoples Army human ang nahitabong engkwentro kaniadtong adlaw nga Biyernes sa Mt. Solatan, Barangay Kibongkog, San Fernando Bukidnon.

Sa interview sa RMN Malaybalay ngadto kang Cpt. Ryan Layug, ang civil military operation officer ug spokesperson sa 403rd infantry brigade, gibutyag niini nga nahitabo ang engkwnetro human magkasugat ang tropa sa 88th Infantry Battalion,Philippine Army ang grupo ni “Kumander Bagwis” sa gihimong clearing operation sa militar.

Matud ni Cpt. Layug nga ang napatay nga NPA usa ka lider ug gibiyaan sa iyang mga kaubanan human naigo sa sniper sa military.


Narekober sa kasundaluhan sa encounter site ang usa ka (1) M16, duha ka automatic rifles, usa ka AK47 ug ubang personal nga butang sa mga NPA.

Samtang atol sa engkwentro nasamdan usab ang usa ka sundalo nga si PFC Bansita nga karon anaa na sa luwas nga kahimtang.

Nasayran nga niabot pa ug duha ka adlaw ayha nakanaug ang patay nga lawas sa mao nga NPA ug gidala sa chapel sa 88th Infantry Battalion (88IB), samtang gihulat nga adunay mo-claim nga pamilya.

Matud ni Cpt. Layug nga kung walay mo-claim sa napatay nga NPA nga wala pa nailhi, ihatod kini sa katapusang pahulayanan sa AFP kaabag ang LGU sa San Fernando.

Facebook Comments