NPA patay, bugas narekober sa bag-ong engkwentro sa Bukidnon

59

Patay ang usa ka miyembro sa New People’s Army kon NPA human nagka-engkwentro ang mao nga grupo ug ang kasundaluhan sa lungsod sa Lantapan ning probinsya sa Bukidnon.

Sa interview sa RMN Malaybalay ngadto kang Capt. Ryan Layug, ang civil military operations officer ug spokesperson sa 403rd Infantry Brigade, Philippine Army gibutyag niini nga na-engkwentro sa 1st Special Forces Battalion ang mga NPA ala una sa hapon kagahapon sa mao nga lungsod.

Nahitabo matud pa kini human nga gipahugtan ang ilang hot pursuit operation sa mga nidagang NPA nga maoy nag-atake ug nakapatay sa duha ka sundalo nga nagtukod ug Patrol base sa Sitio Green Valley, Barangay Dalwangan ning siyudad sa Malaybalay kaniadtong Pebrero 14 sa gabie.

Matud ni Capt. Layug nga gibiyaan sa mga NPA ang ilang kauban nga napatay.

Gawas niini nakarekober usab ang kasundaluhan ug M653 high powered rifle. Nadiskubre usab nila ang hideout sa mao nga grupo ug narekober ang tulo ka sakong bugas.

Natultulan ang mga NPA tungod sa tip nga gihatag sa mga sibiliyan.

Sa karon nagpadayon ang pa ang hot pursuit operation nga gihimo sa militar.

Facebook Comments