NSED 2nd quarter ipahigayon sa Hunyo

45

Davao City – Giawhag sa Office of the Civil Defense (OCD)-XI ang katawhan nga mopartisipar sa ipahigayong 2nd quarter sa National Simultaneous Earthquake Drill (NSED) karong bulana.

Sa interbyu sa DXDC RMN Davao kang Angie Lina Payosalan, Spokesperson sa OCD-XI, gibutyag niini nga ipahigayon ang laing hugna sa NSED karong Hunyo 10, 2021 (Huwebes) diin sama sa milabay nga aktibidad, himuon gihapong virtually kun online tungod sa Coronavirus Disease 2019 (COVID-19) pandemic.


Matud ni Payosalan, alas 2:00 sa hapon himuon ang Online Ceremonial Pressing of the Button ug giawhag ang publiko nga dungan mag-duck, cover and hold isip pagbansay sa angay buhaton panahon sa linog.

“Same modality gihapon, online gihapon siya. Bawal pa man gihapon ‘ta magtapok-tapok. Mao lang gihapon, practice lang gihapon ‘ta. I-exercise lang nato ang pag-duck, cover and hold sa kanya-kanyang panimalay as well as in our respective offices po,” sulti ni Payosalan.

Gipahinumdom sa OCD-XI Spokesperson nga walay himuong evacuation atol sa aktibidad aron dili makompromiso, ang health and safety protocols nga ginapatuman tungod sa COVID-19.

RadyoMaN Kirby Manzon



Facebook Comments