Sa interbyu sa DXDC RMN Davao kang Nelson Cañete, Regional Director sa NTC-XI, giawhag niini ang publiko nga dili dayon patulan ang mga numero nga nagapadala og mensahe nga nagahanyag og trabaho, premyo o kwarta.
Dugang ni Cañete, dili usab i-click ang mga link nga madawat diin risgo kini nga mukuha ang personal nga impormasyon sa user.
“Padayong natong ginapanawagan ang publiko nga kanang mga nag-text sa inyoha nga number lang ang mugawas, ayaw dayon mo og tuo tungod kay basin og scammer na,” sulti ni Cañete.
Gipasabot ni Cañete nga lisod ma-trace ang naga-scam pinaagi sa text diin kadaghanan sa mga numero dili na aktibo.
Nakita usab sa NTC-XI official nga solusyon sa text scams ang pagpatuman sa SIM card registration nga balaod nga kasamtangan karong ginahimuan og Implementing Rules And Regulation (IRR).
RadyoMaN Kirby Manzon
