Ya nega el Head Coach del Zamboanga Weightlifting Team cay chene conflict entrel diila organisasyon aqui na ciudad de Zamboanga.
Na entrevista del RMN Zamboanga enantes aga, Si Atilano, quien amo tambien el Vice-Presidente del Philippine Weightlifting Association (PWA), ya clarifica cay el ponida con el antes Mr. Philippines Kit Mortera como el Team Manager del mga weightlifters de Zamboanga que hay participa na mas reciente Asian International Competition un “rotational procedure” del diila organisasyon, donde si Mortera parte de este.
Asegun con Atilano, por largo tiempo ya ele ya servi como el Team Manager del mga weightlifters de Zamboanga y este tiempo no fuede mas ele dale siento porciento atenccion coneste porcausa con el su omento mga responsibilidad como un consejal del fueblo y chairman del cometiva de deportes del ciudad, fuera pa como el head coach del UZ Weightlifting Team y del PWA.
Si Atilano ya abla cay el designasyon con Mortera na su presente fuesto chene el aprovamiento del diila organisasyon y ele mismo man gane el ya recomenda coneste como un asosasyon unido para el buen estar del weightlifting team que amo ya dale nombre con el ciudad na Rio Olympics porcausa con el producto de Zamboanga si Hidilyn Diaz. – *Bhong Simbajon/RMN News.*
