Nuevo fuente na "super highway" defectivo

ZAMBOANGA CITY–Ya tene que serra con el calsada del nuevo construgido super highway in Pasobolong para na Culianan despues ya descubri ya tambien quebradura ambos lao del fuente que parte del progecto del mencionao camino.
Mismo si Engr. Artemio Marcera del DPWH amo ya encabesa consu maga gente para tranca conel camino usando maga trancadura hecho de palo y ya omenta pa maga grande-grande piedra aber para hasegura que gende ay pasa maga grande vegiculo como maga truck y otro pa.
Asegun con Engr. Marcera ya recivi le el informacion del mas reciente donde ele mismo el ya anda para inspecciona con el lugar.
Visible el maga grande ragadura ambos lao del fuente y mismo el cemento que ta connecta conel calsada y el mimo fuente amo el ya abaga porcausa asegun ya emblandia el tiera abago deste.
Si Engr. Marcera ya habla que delicao ya este si ay continua pa pasa maga grande vegiculo rason si porque ele mismo ya encabesa para serra con el calsada.
El contractor del progecto ay tene que bunca con el cuantos metero largao ambos lao del fuente para compone y cementa otravez, asegun con Engr. Marcera.

Facebook Comments