Nasikop sa kapulisan sa Gingoog City ang number 10 most wanted person kagahapon sa buntag.
Kini mao si Roland Galas Taperla, 26 anyos nga taga Purok 5, Barangay Talisay, Gingoog City, Misamis Oriental.
Gisikop sa kapulisan si Taperla tungod sa iyang warrant of arrest sa kasong frustrated murder.
Nasayran nga ang warrant of arrest giisyu ni Hon. Judge Mirabeus Undalok, Presiding Judge sa Regional Trial Court Branch 43 sa Gingoog City.
Makagawas lamang ang suspek kung makapiyansa og 200-thousand pesos.
-o0o-
By: RadyoMaN Annaliza Amontos-Reyes
PC: Tsip Aye; Police Supt. Ariel Philip Pontillas, COP, Gingoog City
Facebook Comments
