Number Coding Scheme, sinuspinde ng MMDA ngayong araw, Metro Manila Disaster Risk Reduction and Management Office, naka-Blue Alert Status na

98

Sinuspinde na ng MMDA ang Number Coding Scheme ngayong araw.


Sa kanyang Facebook Page, sinabi ni MMDA Spokesperson Asec. Celine Pialago, ang mga sasakyang may plakang nagtatapos sa 1 at 2 ay papayagang dumaan sa EDSA at iba pang lansangan sa Metro Manila mula alas-7:00 ng umaga hanggang alas-8:00 ng gabi.

Ayon kay Michael Salalima, pinuno ng Mmda DRRMC, ginawa ito kasunod ng epekto ng ash fall mula sa nag-aalburutong Bulkang Taal.

Ang MMDA ay kasalukuyang naka Blue Alert, kung saan makikipag-ugnayan na ito sa lahat ng DRRMO ng Metro Manila.

Naka-stand by na rin ang kanilang Disaster, Emergency at Medical Teams na posibleng ipadala sa mga lugar na apektado ng Bulkan.

Mamayang alas-10:00 ng umaga ay magpupulong ang mga kintawan ng Local DRRMO para pag-usapan ang mga dapat gawin kasunod ng perwisyong dulot ng pagputok ng Bulkan.

Facebook Comments