Numero sang mga Bacolodnon nga luyad magpabakuna kontra covid-19 manubo suno kay VM Familiaran

47

BACOLOD CITY – Manubo ang posyento sang mga pumuluyo sa ciudad sang Bacolod nga luyag magpabakuna kontra coronavirus. Ini ang obserbasyon ni Vice Mayor El Cid Familiaran, chairman sang Bacolod Inter-Agency Task Force, angot sa ginapatigayon karon sang city government nga survey sa kabarangayan para sa vaccination program.

Suno sa bise-alkade, bangod sang eksperyensiya sa kontrobersyal nga Dengvaxia vaccine, “wait and see” karon ang mga pumuluyo sa vaccination para sa coronavirus. Bangod sini, ginhatagan pagtamod sang bise-alkalde nga dapat ipaathag sang mga health professionals sa publiko ang mga bentaha kag disbentaha sang pagpabakuna.


Sa masunod nga semana, ginalauman nga magaguwa na ang resulta sang survey sa barangay sa diin diri mahibaluan sang ciudad ang posible kadamuon sang doses sang vaccine nga pagabaklon.

Ginakalipay naman ni Familiaran nga pasado sa Department of Health ang dry run sang vaccination program nga ginpatigayon sa gym sang Brgy. Villamonte sang Pebrero 5.

[image: image.png]

Facebook Comments