Nurse patay matapos nadisgrasya ang iya awto, nakabunggo sa kahoy, naglabog ang makina

BACOLOD CITY – Patay ang isa ka lalaki nga nurse matapos nga nakabunggo sa isa ka kahoy ang iya gina-maneho nga awto sini gid lamang nga kaagahon sa atubang sang Fr. Gratian Murray Integrated School (Boy’s Home) sa Brgy. Granada, Bacolod City.

Ang biktima (ginahinago ang pangalan sa ayo sang pamilya) isa ka 24-anyos nga soltero, nurse sa isa ka private hospital diri sa ciudad sang Bacolod.

Suno sa initial investigation, pasado las 12 sini gid lamang nga kaagahon, ang biktima ang magapauli na kuntani sa iya puluy-an halin sa trabaho sang aksidente nga nakabunggo ang iya awto sa isa ka kahoy, nagtiyog kag liwat nga nakabunggo rason nga halos kakas ang likod nga bahin sang salakyan.


Naglabog man ang iya makina mga 10 metros halin sa lawas sang salakyan.

Sa traffic investigation, madasig ang iya pagpadalagan bangod man sa nakit-an nga impact.

Dead on arrival sa isa ka private hospital ang biktima bangod sa mga patal nga pila sa iya lawas.

Facebook Comments