Observe safe distance always: Bargamento

21

Davao City – Bisan pa ug gipamub-an ang social distancing sulod sa public transportation units, gikinahanglan sa gihapon kitang magbaton og responsibilidad sa atong kaugalingon aron malikay kita sa COVID-19 karong panahona.

Sumala ni Barangay Captain Rey Amador Bargamento sa Mintal, nagtoo siya nga ang tumong niining pagpamubo sa distansya sa mga pasahero sa pampublikong sakyanan aron mo-improbar ang panginabuhian sa mga anaa sa transport sector.


Sa pikas bahin, pabor si Bargamento nga sirad-an una ang mga sementeryo atol sa Kalag-Kalag aron malikayan ang pagtapok-tapok sa mga tawo diha sa mga sam-ang.

Giklaro ni Bargamento nga gikinahanglan gihapon nato ang proteksyon sa atong kaugalingon pinaagi sa pagtuman sa tanang mga health protocol.

“Dili nato makit-an ang atong kalaban…Kung ako, maneguro gyud ko’g akoa nga i-remind nako ang akong sarili bahala na’g .75 meters o pila ba…Basta ako, modistansya gyud ko’g one-meter… Mas maayo, dili gyud ko makihalubilo, ” segun sa kapitan.

RadyoMan Bernard Pantallon




Facebook Comments