OCBO: Dili mo-comply sa ventilation ordinance dili isyuhan og building permit

28

Davao City – Nagpahimangno ang Office of the City Building Official (OCBO) nga dili niini isyuhan og building permit ang mga establisyemento nga dili maka-comply sa requirement nga saktong ventilation system sa mga pampubliko ug pribadong opisina ug establisyemento sa syudad sa Davao subay sa napasar nga ordinansa sa konseho.

Sa interbyu sa DXDC RMN Davao kang Engineer Cirinia Grace Catubig, OCBO Officer-in-Charge, gibutyag niini nga subay sa ordinansa, adunay multang P5,000 alang sa second offense ug pagkansela sa ilang permit alang sa third offense niadtong pakyas nga makapatuman sa maong kamanduan.


“Dili namo sila maisyuhan og annual building inspection (certificate) unya basin ma-block ilahang building permit pag-renewal nila. Kay kana bayang mga gipang-inspection namo nga dili mag-comply, pag abot sa renewal sa business permit, mao na nga daghan kaayong mga negosyanteng mag reklamo kay nanga-block sila sa amoa (sa OCBO),” tataw ni Catubig.

Matud ni Catubig, nahilakip sa ilang i-inspeksyon ang tanang commercial buildings sa syudad diin aduna usab silay schedule alang sa paghiling sa mga establisyemento.

Nanawagan usab ang OCBO official og kooperasyon sa tanan diin tumong sa maong lakang mao ang pagsiguro sa health and safety dili lamang sa mga nanag-iya og gambalay kundili kini usab alagn sa kaayohan sa ilang mga konsumante.

RadyoMaN Kirby Manzon



Facebook Comments