Davao City – Gipahigayon sa Office of Civil Defense (OCD-XI) ang thorough risk assessment sa bagyong si ‘Basyang.’
Sa pakighinahi kang OCD-XI chief Leoncio Cirunay sa tulumanong ‘Straight to the Point’, gibutyag niya nga atong gi-ekspektar nga maapektuhan ang Davao Oriental, Compostela Valley ug Davao del Norte nga gipailawom sa Signal Number 1.
Kaganina, gikataho nga nag-landfall na sa Cortes, Surigao si ‘Basyang’ diin gikabalak-ang maghatud kini ug damyos sa mga kabtangan ug kinabuhi.
“Expected heavy rainfall sa mga probinsya na na-mention and they will last 1 hour and expected to continue for the next two hours,” segun ni Cirunay.
Dugang sa hepe sa OCD-XI, nalipay siya sa pre-emptive evacuation nga aksyon sa mga residente sa Jade Valley gumikan dili na kaayo sila kinahanglan og rescue inig motaas ang tubig-baha sa maong lugar.
RadyoMan Jason Amisola
