Davao City – Walay angay ikabalaka ang Dabawenyos tungod kay andam ang mga luwas nga lugar para sa mga residente panahon sa kalamidad ilabi na sa kung imando ang pagpanghikling.
Sa interbyu sa DXDC RMN Davao kang Franz Irag, Information Officer sa OCD-XI, gisulti niini nga aduna nay mga evacuation center ang mga Local Government Unit (LGU) diin kinahanglan lang nga i-familiarize sa mga lumulopyo.
“Halos tanang municipalities or at least per province level, naa na ‘tay natukod nga evacuation centers. Pag-abot pud sa respective localities nato, naa pud na silay mga pre-identified nga evacuation center. That includes mga school, gymnasium ug mga open area,” matud ni Irag.
Dugang sa OCD-XI official nga nagpabiling hagit alang kanila ang pagpatuman sa preemptive evacuation tungod usab sa rason sa mga residente nga dili nila mabiyaan ang ilang kabtangan ug mga binuhing kahayupan.
RadyoMaN Kirby Manzon
Facebook Comments
