OCD-XI: Multiple disaster scenarios posible

15

Davao City – Gitino sa Office of the Civil Defense-Davao Region (OCD-XI) ang tinuod nga estado sa mga lugar sa Rehiyon Onse ugaling adunay mokunsad nga kalamidad sama sa makusog nga linog nga nahitabo niadtong Sabado sa hapon.

Sumala ni OCD-11 Officer-in-Charge Rebecca Lopes, ang rehiyon ug labaw na ang siyudad sa Dabaw dili na luwas sa bisan unsa nga matang sa kalamidad sama sa linog.

Daku ang posibilidad nga ang dakbayan sa Dabaw maigo og 7.2 magnitude nga linog kun mas taas pa niana nga gikusgon tungod sa bag-ong faultline nga nadiskubrehan Ssa may Buhangin area karong panahona.

Segun ni Lopez, ang bag-ong faultline nga nadiskubre ning bag-uhay midugang sa 6 ka faultlines nga anaa kasagaran sa ikatulong distrito ning siyudad sa dabaw.

Tungod walo na ang faultlines sa Davao, daku ang purohan nga dili mu-ubos sa Magnitude 7.2 nga linog nga puwede muguba sa siyudad tungod gikatigorya na kini nga ‘devastating’ nga klase sa pagtay-og.

Matud ni Lopez,nakatabang ang simultaneous earthquake drill sa pagtudlo sa angay butahon sa kataw-han kun dunay linog sama sa nahitabo sa niadtong sabado.

Ug kini nagpasabot nga nagkataas ang kahibalo sa mga tawo kaon human na-obserbahan nga nagamit sa kadaghanan ang ilang natun-an sa earthquake drill.

Ug kung aduna ma’y i-improbar kana mao ang education drive sa mga kabarangayan ug pagbarog nga malig-on sa mga dabawenyo panahon sa kalamidad.

Gisugilon usab ni Lopez nga ila usab gipangandaman karon ang paglusad og tsunami drill karong bulan sa Oktubre.

Gipasabot pa ni Lopez nga kun ang Philippine Trench muhilok, magmugna kini og tsunami sa kadagatan nga puwede molampornas sa mga barangay sa dakbayan kung dili kini mapangandaman karon.

RadyoMaN Joel Viray

Facebook Comments