OCTA: Trend sa COVID-19 human sa Eleksyon mahibaw-an karon nga semana

52
Davao City – Posibleng mahibaw-an karon nga semana ang trend sa Coronavirus Disease 2019 (COVID-19) cases sa Pilipinas human sa May 9, 2022 Elections.

Sa interbyu sa DXDC RMN Davao kang Dr. Butch Ong sa OCTA Research Team, gibutyag niini nga sagad usa ngadto sa duha ka semana human sa aktibidad o mass gathering, mahibal-an ang trend sa datus sa COVID-19 cases.

Sa pagkakaron, ubos ang kaso tungod usab sa low testing rason nga kinahanglan nga patas-an pa sa Department of Health (DOH) ang testing aron masayran ang sitwasyon sa COVID-19 sa nasud.

“Maganda pa sa ngayon ang mga datos natin but we need to improve and increase our testing para mas makita natin ang kalagayan talaga ng COVID-19 sa ating bansa,” sulti ni Ong.

Sa kasamtangan, anaa lamang sa 150-181 COVID-19 cases ang matala matag adlaw. Samtang, nagpabiling karon nga below critical ang hospital utilization rate.

RadyoMaN Kirby Manzon, RadyoMaN Jason Amisola

Facebook Comments