OFW COUPLE SA SINGAPORE, PATAY MATAPOS NALUMOS SAMTANG NAGA HONEYMOON SA MALDIVES

12744

Report ni: Jennifer Palomo Debaja

“Till death do us part.”


Nag unungay tubtob sa kamatayon ang OFW couple nga naga trabaho sa Singapore matapos nalumos samtang naga honeymoon sa Maldives.

Ginkilala sang Maldives police Ang mag asawa nga sanday Erika Joyce Lagradilla, 29 anyos kag Leomer Lagradilla, 30 anyos pareho nga OFW sa Singapore.

Sa pahayag ni DFA Spokesperson Elmer Cato, pareho nga ginrescue sang mga resort workers ang mag asawa apang gin pronounced dead pag abot sa pinaka malapit nga ospital.

Base sa nagcirculate nga balita, natigayon pa nga nakapangayo sang bulig ang asawa sang wala na makabutwa ang iya mister. Apang pag abot sang mga responder pareho na sila nga wala sang pangalibutan sa idalum sang tubig.

Suno pa sa DFA spokesman, ginkasal sa Manila sang Disyembre 18, 2018 ang duwa kag nagpadulong sa Maldives sang Enero 9, 2019 para sa ila honeymoon.

Nagpabutyag man sang simpatiya kag pakig unong sa kalisud ang DFA kag maga extend sang assistance sa pamilya sang mga napatay para sa repatriation sang ila bangkay.

Facebook Comments

From Advertisers