OFW desk ginbuksan sa mga opisina ng TESDA 12.

59

Nakahanda na nga magbaton sang mga Overseas Filipino Workers nga magpauli kag naapektuhan sang COVID-19 pandemic ang mga opisina sang Technical Education and Skills Development Authority sa bug-os nga rehiyon dose.
Ang TESDA OFWs’ help desk ang magasabat sa mga palamangkutanon sang mga OFWs angot sa mga nagkalain-lain nga programa sang TESDA nga pwede nila makuha sa ila pagpauli kag mangin una sila sa mga benepisyaryo sang TekBok.
Magluwas sa skills trainings kag scholarship program, pwede man makakuha sang competency assessment kag certification certificate of authenticity ang mga magpauli nga OFWs kag pwede man nga i-renew ang mga certificate of competency.
Ginalauman man sang TESDA 12 nga madamo sang mga OFW ang magapadulong sa mga TESDA provincial offices amo nga ginapahanumdom ang mga magapadulong sa sa mga opisina sang TESDA nga siguraduhon nga magsuksok sang face mask/face shield, may dala nga kaugalingon nga ballpen, obserbaron ang social distancing kag ipabilin nga normal ang temperature.
Ginapahanumdom man ang mga OFWs nga may-yara sang travel history sa mga lugar nga may COVID-19 nga magpaidalom sa quarantine kag sundon ang mga polisiya agud masigurado nga luwas sa nasambit nga balatian.
Ang nasambit nga programa ang base naman sa mandato ni Presidente Rodrigo Duterte kag TESDA Secretary Isidro S. Lapeña nga hatagan sang bastante nga atensyon kag programa ang mga OFW`s nga magpauli sa pungsod tungod sa COVID-19 pandemic.

Facebook Comments