OFW nga halin sa South Cotabato nga suno pa ginasakit sang amo sa Kuwait ginpanginwala ang alegasyon sa pihak nga nagviral ang video.

16

Ginpanginwala sang isa ka OFW nga taga-Banga, South Cotabato nga ginasakit siya sang iya nga amo sa Kuwait kag wala nahatag ang iya nga sweldo base sa nagviral nga video sa social media nga gin-upload sang isa man ka pinay.
Ini matapos nga gilaton nga nakig-angot ang Overseas Welfare Workers Administration ukon OWWA 12 sa mga welfare officer sa pungsod Kuwait agud mahibaluan ang sitwasyon sang nasambit nga pinay.
Ginpahayag ni OWWA 12 OIC Regional Director Christelyn Caseres may-yara sang pag-istoryahanay sa kaso ni Aileen Tenorio kag madasig naman ang pagpadala sang request sa foreign agency kag employer sang pinay para maistorya ini.
May-angot sini, ginpahayag mismo ni Aileen Tenorio sa sulod sang embahada sang Pilipinas nga wala sang kamatuoran ang alegasyon sa nagviral nga video.
Apang base sa nakasugtan magapauli sa gihapon ang pinay sa Pilipinas kon mag-abot ang relyebo sini.

Facebook Comments

From Advertisers