General Santos City–Nakauli na sa nasud Pilipinas si Jennifer Dalquez, ang OFW nga una nang nakaluwas sa hukom bitay didto sa United Arab Emirates (UAE) human iyang napatay ang iyang amo niadtong tuig 2015.
Sumala ni Rahima Dalquez, inahan ni Jennifer nga nakauli na gyud sa nasud ang iyang anak niadtong Nobyermbre 1, 2018 ug kasamtangan karon nga anaa pa sa kauluhang manila.
Petsa 9 pa sila posibling makauli ug Gensan tungod duna pay ginaasikado nga mga dukumento sa DFA ug OWWA.
Samtang nahimong emosyonal usab si Jennifer dungan sa pagtaak niini sa nasud. Sumala niini nga dako ang iyang kalipay nga siya nakaabot na gyud sa nasud human sa iyang nasinatian didto sa UAE.
Sumala ni Jennifer nga niadtong siya gipakanaugan ug hukom bitay, wala gyud siya mawad-an ug paglaum gani wala gyud niya giisip nga siya bitayonon tungod siya sayod nga tabangan kini sa Ginuo tungod iro ra man niyang gidepensahan ang iyang kaugalingon dihang siya gisuwayan ug lugos sa iyang amo.
Samtang dako ang pagpasalamat ni Jennifer sa tanang mitabang kaniya aron nga siya makaluwas sa hukom bitay.
