OFW SA JEDDAH SAUDI ARABIA NAGAPANGAYO SANG BULIG NGA MA-RESCUE

i Balita October 13, 2018 (Photo From Web. No Copyright Infringement Intended)

Nagpangayo sang bulig ang pamilya sang OFW sa Jeddah Saudi Arabia nga halos isa na ka semana nga ginpreso sang iya amo nga arabo sa sulod sang kuarto kag ginapakaon sang pan-os nga pagka-on.
Ang OFW ang ginkilala nga si Leya May De Mesa Gatinao 27 anyos ang edad kag tumandok sang Brgy. Tinadtaran, Buenavista, Guimaras.
Oktobre 23, 2017 lang nag-abot sa Jeddah si Leya apang indi nangin maayo ang pagtrato sa iya sang amo nga si Abdulrahman Saleh Mousa Sulaimani sang Albawadi, syudad sang Jeddah.
Suno sa utod ni Leya nga si Leomer Gatinao ulihi nila nga gin-contact si Leya sang nagligad nga Oktobre 10 adlaw nga miyerkules sa diin nagapangayo ini sang bulig para ma-rescue sa iya mga amo.
Dugang pa ni Loemer nga sang Oktobre 8, lunes nga adlaw nagpadulong sila sa agency sang utod nga amo ang Mothers Way Agency sa De Leon Street, City Porper kag sa talatapan sang Overseas Workers Welare Administration okon OWWA apang wala pa sang resulta tubtob subong ang follow-up nga ginahimo nila sa embahada sang Saudi Arabia.
Nagakahangawa ang pamilya ni Leya sa sitwasyon kag kondisyon sini matapos nga ginapaka-on ini sang mga pan-os nga pagka-on kag naga-iunom sang tubig sa CR sang iya hulot sa diin ini ginapreso sang iya arabo nga amo.

Facebook Comments