Report ni: Jennifer Debaja Palomo
Napun an sang kasubo ang pamilya Gipa matapos nakabaton sang balita nga gindulaan na sang kabuhi ang ila himata nga manug 2 palang ka bulan sa Riyadh.
Abril 11, 2018 sang nagpadulong sa pungsod Saudi Arabia si SABINA BARROA GIPA agud magpasimpalad dala ang handum nga mahatagan sang kasulhayan ang iya pamilya. Apang Hunyo 8, gindulaan ini sang kabuhi duha palang ka bulan nga nag abot sa nasambit nga pungsod.
Suno sa panaysayon sang pamilya sang pinay, nagakuntak pa ini sa ila sa una nga 3 ka semana. Nag umpisa ang ila kahangawa sang indi na ini makontak kag kon magmessage man o text puro lang hilibion kag halos indi na gani maintindihan ang ulihi sini nga mga mensahe. Gina kastigo kuno ini kag ginsaylo pa sa iban nga amo.
Gin tinguhaan man sang pamilya ni Sabina nga kontakon ang agency apang ang permi nila nga gina sabat, wala sang kamatuuran nga gina kastigo ang pinay.
Mayo 21, 2018, nakapanawag pa si Sabina sa bayaw sini kag naga panumbungon nga gina priso na ini sya kag wala ginapakaon. Nag hambal pa ini nga indi na makapauli sa Pilipinas tungod mapatay na ini sa Riyadh.
Mayo 22, 2018, nakibot ang iya pamilya sang may nagtawag nga isa ka pinay gamit ang fb account sang biktima nga yara sila sa MKANTANI deportation tungod gindul-ong sang amo si Sabina nga tama ka luya kag haluson makahulag. Ginpakita pa nila sa videocall si Sabina nga naga sululuka kay 5 ka adlaw nga ginpriso kag wala ginpakaon.
Nagreklamo ang pamilya sa agency apang amo gihapon ang sabat nga wala siya ginasakit kag ginsaylo na sa iban nga amo kag medyo naglain na basi ang panghuna huna sini.
Nagreport man ang pamilya sa UOMWA kag ginsaysay ang kahimtangan ni Sabina. Ginpasalig man sila nga magbalik lang after one week kay efollow up pa nila sa embassy sa Riyadh.
Sa karon hustisya ang gina pangayo sang pamilya kag gusto nila manabat ang agency sini nga MAYON INTERNATIONAL TRADING CORPORATION kag ang counterpart agency sini nga AL SAIDAN RECRUITMENT OFFICE sa kapabayaan kag indi pag akto sang temprano nga reklamo sang pamilya.
MAY YOUR SOUL REST IN PEACE😭😭😭 KABAYAN💔
