Nagareklamo ang pila ka mga OFWs nga naka-quarantine sa Goldenfield Kundutel Hotel sa Bacolod sa madugay nga pag-release sang resulta sang ila nga swab tests nga ginapatigayon sang provincial government sang Negros Occidental.
Nagdangop sa DYHB ang OFW nga si Bobby Neguya, nga tumandok sang Pontevedra agud mapalab-ot sa provincial government ang ila nga reklamo.
Hulyo 2 sang nag-abot sa Bacolod si Neguya kag Hulyo 4 siya ginkuhaan sang swab sample, apang tubtob subong wala pa naguwa ang resulta. Ang malala pa suno kay Neguya bangud may iban nga OFWs sa amo nga hotel, nga 28 ka adlaw na nga gin-quarantine, wala pa sa gihapon naguwa ang ila tests results.
Pareho man ang reklamo sang isa ka machine operator gikan sa Saudi Arabia kag tumandok sang Himamaylan City nga si Bong Saloria, sa diin Hunyo 21 sila nag-abot sa Bacolod kag Hunyo 23 pa sila gin-swab test apang wala man sa gihapon nakaguwa ang resulta.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
