OIC manager nga una nang gidagit, nakit-an na

General Santos City—Narescue ang OIC manager sa KAPA nga una nang gidagit sa wala pa mailhing suspetsado niadtong nakalabayng simana nga si Remely Iral, hingkod ang panuigon ug residenti dinhi sa dakbayan sa Gensan.

Alas 3:00 ang takna sa kaganinang kabuntagon dihang nangayo ug pakitabang ang biktima sa mga residenti sa 406-A, Barangay Cablon, Tupi, South Cotabato diin aduna kini mga samad dinunggaban ug tinigbasan sa nagkandaiyang parti sa lawas.

May samad usab ang baba niini nga daw sa gihiwa sa hait nga hinganiban, samtang mga kamot niini ang nakaposas.


Matud ni Alias Bebeng residente sa lugar nga basi sa pahayag sa biktima nga siya gihagbong sa mga suspetsado sa ngitngit nga lugar parkular sa pinyahan nga bahin sa may 407-A, Barangay Kablon, Tupi.

Iya lang gisubay matud pa ang dalan dayon iyang gisundan ang suga hangtud nga kini makaabot sa mga panimalay.

Dugang pa ni Alias Bebeng nga nangayo matud pa ug tubig ang biktima kanila apan wala nila kini gihatagan tungod sila nahadlok nga basin ug makaapekto kini sa iyang mga samad sa lawas.

Base usab sa ilang pagsubay sa gihagbongan sa biktima, adunay nakabutang nga karatola diin nagbilin ug pahimangno batok ngadto na sa mga opisyal nga KAPA.

Kahinumduman nga niadtong nakalabayng semana dihang gipusil patay ang body guard ni Iral dungan usab sa pagdagit kaniya.

Base usab sa blotter report sa Polomolok PNP, gidagit matud pa sa lima hangtud sa unom ka tawo ang nasampit sa may Barangay San isidro dayon gipiringan ang nawong ug gidala sa usa ka lugar.

Gipasakitan matud pa ang biktima dayon gihagbong sa pinyahan nga bahin.
(CTTO)

Facebook Comments