Pormal na nga milingkod ang bag-ong OIC RD sa DENR nga mao si Carlito Tuballa dinhi sa atong probinsya sa Zamboanga del norte human nga narelieve ang kanhi RD nga si Felix Mirasol may kalabot sa pagka upaw sa bukirong bahin sa Sirawai ug sa mga kasikbit nga kalungsuran nga mao’y gitudlong hinungdan sa grabeng pag baha sa maong lugar.
Hinuon gipasabot ni OIC RD Tuballa nga wala na relieve si kanhi RD Mirasol kundili ge reassign lamang kini isip bag-ong regional director sa rehiyon-10. ang rason sa pagbalhin mao nga matod pa matag duha ka tuig adunay change of command nga ipahigayon saysay pa ni Tuballa.
Samtang si PENRO Jeoffrey Zayas siya na karon ang Community Environment and Natural Resources Office sa lungsod sa Liloy. Gipulihan kini siya ni Dr. Salahudin Caing nga mao na karon bag-ong Provincial Environment and Natural Resources officer dinhi sa Zamboanga Del Norte.
Gi dugang pa ni Carlito Tuballa nga ang mga nabalhin nga dagkong opisyal sa DENR Region-9, apil gihapon nga ma imbistigahan kalabot sa mga pagbaha ug illegal logging nga nahitabo dinhi sa atong probinsya ug sa tibuok Zamboanga peninsula.
