Old PUJs i-phase out alang sa seguridad sa sumasakay

Davao City – Walay pagsupak ang hut-ong sa mga driver ug operators kun ipatuman sa tibuok nasud Pilipinas ang ‘Oplan Tanggal Bulok’ ug ‘Oplan Tanggal Usok’.

Pinaagi niini aron hingpit nga wala nay magdagan nga mga kagang-kagang nga Public Utility Jeepneys (PUJs) alang sa seguridad sa katawhan pinaagi sa programa nga ipaimplementar ilawom sa Duterte Administration’s Transport Modernization Program.

Sumala ni Rumolo Fuentecilla, usa ka operator sa PUJ nga nagrota sa Bago Gallera ning dakdayan, uyon siya nga walaon ang karaan nga PUJs apan ubos sa kondisyon nga gikinahanglan usab nga tagaan og pagtagad sa gobyerno ang mga operator sama sa plano kung madayon nga pahuramon og kuwarta ang mga operator nga kaya ra nga bayaran aron dili magkalisud-lisod.


Gipaabot ni Fuentecilla nga angayan tagaan og tiyansa ang mga single operator nga makaprovide sila aron makambiyoan ang ilang karaan nga unit ug tagaan og taas nga panahon.

Giingon ni Fuentecilla nga dili diha dayon nga ipatuman ang pagwagtang sa mga pujs ug mamahimon maapiktuhan ang ilang pamilya sanglit ang uban diha ra nagsalig sa ilang panginabuhian.

Samtang matud sa usa ka PUJ driver nga si Cris Sia, nagpuyo sa Bago Aplaya, 12 na ka tuig isip driver nga nagrota sa Toril-Roxas ning dakbayan, pabor siya i-modernize ang mga PUJs nga sakyanan.

Giingon ni Sia nga kung padayon ang mga operators nga magbaton og karaan nga PUJs, malagmit nga matawag nga iligal sanglit wala sila magtuman sa balaud ug anaa na sa kadelikado ang mga sumasakay nga mahimong duol sa disgrasya gumikan bulok na ang ilang sakyanan.

RadyoMaN Don Pulayao

Facebook Comments