Davao City – Awtomatik na nga enrolled ang mga estudyanteng anaa sa Grades 2-6, Grades 8-10 ug Grade 12.
Kini matud pa ni Department of Education Davao spokesperson Jenielito Atillo.
Matud sa tigpamaba nga ang muipailawom nalang sa enrollment process sugod karong Mayo 25 ang mga kindergarten, Grade 7, Grade 11 ug mga transferees.
“Mao lang ning upat ka mga grupo o hut-ong nga pweding ipailalom sa enrollment process basta dili lang mubalhin og eskwelahan automatically enrolled na sila, meaning ang eskwelahan na ang mu-enroll sa ilaha kung asa sila ibutang nga section subay usab sa ilahang general average,” matud ni Atillo.
Gitataw ni Atillo nga kadtong enrolled na nga mga estudyante giawhag nga makisayod ug mubisita gihapon sa ilahang mga tunghaan aron makahibalo sa mga announcement o bin ba kaha mga rekisitos alang sa pag-abli sa klase.
RadyoMaN Aimee Guinita
