Olympian nga si Ian Lariba, ilubong karong adlawa

39
PC: DLSU Sports

Ilubong unyang hapon ang 2016 Olympian nga si Ian ‘Yan-Yan’ Lariba sa Oro Gardens sa Barangay Lumbia ning syudad.

 

Gihaya si Lariba sa St. Peter’s Funeral Homes sa Barangay Lumbia kung asa midagsa ang mga Kagay-anon, ilabina nga bukas alang sa public viewing ang iyang haya.

 

Gibutyag sa inahan ni Ian nga si Mel Lariba nga kagahapon na lamang ang katapusang vigil sa iyang anak ug mahimo kining masaksihan  sa katapusang higayon sa iyang mga higala ug ubang sports group karong adlawa.

 

Mahinumdoman, nga nakaangkon ang 23 anyos sa sakit nga leukemia hinungdang wala na niini napadayon ang iyang pagdula sa table tennis.

Facebook Comments