Simula bukas, July 24 tatanggap na ng online appointment ang LTFRB para sa pag-proseso ng provisional authority ng Transport Network Vehicle Services (TNVS).
Ibig sabihin ayon kay LTFRB Technical Division Chief Joel Bolano – hindi na kailangang pumila sa kanilang opisina ang mga TNVS operator.
Wala ring tatanggaping walk-in provisional authority transaction ang LTFRB bukas.
Alas 8:00 ng umaga magbubukas ang online appointment system ng LTFRB oras na mag-online na rin ang website ng ahensya.
Aabot sa 1,000 aplikante ang tatanggapin ng LTFRB kada araw.
Facebook Comments
