Online Barter Trade, ilegal suno sa DTI!

Roxas City, Capiz – Gin-anunsyar sang Department of Trade and Industry (DTI) nga pagalagson sini ang mga indibidwal nga imbolbado sa online barter trade!
Ginpahayag ni Secretary Ramon Lopez ang nasambitan nga transaksyon ang makabig nga “illegal”.
Suno kay Lopez basi sa Executive Order No. 64 nga gin-aprobahan sang 2018 ni President Rodrigo Duterte, ang online barter transactions ang ginapahanugotan gid lamang sa pila ka lugar sa Mindanao(Sulu kag Tawi-tawi) samtang sa iban nga lugar, ini naman ang ginabawal.
“Sa ibang lugar, hindi po allowed ang barter trade. At tsaka, kailangan regular transactions tayo diyan. Dapat ay may tax na binabayaran,” Lopez said.
Bangud sini, makig-angut ang DTI sa Philippine National Police (PNP) kag National Bureau of Investigation (NBI) agud nga lagson ang nagapatigayon sang nasambitan nga aktibidad.
Mahibaluan nga diri sa probinsya sang Capiz, nangin patok ang online barter trading subong nga panahon sang pandemya kun sa diin pila na ka mga barter communities sa Facebook ang gintukod kag diri nagapakig-transaksyon ang mga membro paagi sa online.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments