Online sabong sa Davao girekomenda

62

Davao City – Tukion karong adlawa (Abril 12, 2021) sa 19th Davao City Council ang rekomendasyon ni Davao City Councilor Danilo Dayanghirang nga tugotan ang online sabong sa dakbayan sa Davao.

Sa interbyu sa DXDC RMN Davao kang Konsehal Dayanghirang, gisaysay niini nga tumong sa maong sugyot aron nga maka-raise og pundo labi na nga naglisod pa og rekober ang mga negosyante tungod sa pandemya.


I-alokar usab ang kwarta o buhis nga makuha niini sa pagpalit og medisina ug ayuda sa mga indibidwal nga naapektohan sa kalisod ilabi na kadtong mga nawad-an og trabaho.

Pagpasabot sa konsehal nga bisan og gidili, apan aduna gihapoy mga report nga nagasabong rason nga mas maayong i-plastar ug himuong online aron malikayan usab ang panagtapok o mass gathering samtang anaa pa ang Coronavirus Disease 2019 (COVID-19) pandemic.

“Naa ‘mi hearing sa hapon. So, tan-awon nato og unsay epekto niini kay aron ma-discourage pud ‘ning sabong-sabong, iligal ba. Tapos madakpan sila, dako ra baya kaayo’g pyansa, tag P30,000. Tapos maginukoray pa gyud. Gukuron pa sila sa pulis,” pagpasabot ni Dayanghirang.

Sa pagkakaron, tun-an ug tan-awon usa kung unsa ang mamahimong sistema ugaling ipatuman ang online sabong ingon man approval ni Davao City Mayor Sara Duterte-Carpio.



Sa Pilipinas, kapin usa ka dekada na nga ginahimo ang electronic sabong (e-sabong) ug mas misikat pa kini tungod sa pandemya.


RadyoMaN Kirby Manzon / RadyoMaN Abi Bibera

Facebook Comments