Onse anyos nga batang babae, patay human gidunggab sa iyang kaugalingong amahan, adlaw sa Pasko!

43

Iligan City- Patay ang onse anyos nga batang babae human kini siya gi-unay sa pagdunggab sa iyang kaugalingong amahan, mag-alas 10 ang takna sa gabii, adlaw sa pasko, sa purok uno Barangay Tambacan.
 
Subay sa taho sa kapulisan sa presinto 4, mi-uli ang suspect sa ilang balay uban ang iyang mga higala ug mipahigayon ug inom.  

Misaka sa ilang taas ang suspect nga giilang si Eddie Fuentes ug nakiglalis sa iyang asawa.  

Pagnaug niini, kalit lang niya giduslak ang iyang anak sa makadaghang higayon gamit ang screw driver lakip ang iyang ugangan nga naka-angkon usab ug pipila ka samad sa lawas.  


Daling gidala sa tambalanan ang mga biktima apan ang bata gideklarang dead on arrival.  

Kasamtangan karong naka-detained sa selda sa presinto 4 ang suspect.  

Facebook Comments