Dimataling, Zamboanga del Sur – Gironda sa otoridad ang lugar nga gitagu-an sa onse ka wanted person pinaagi sa pagkasa sa One Time Big Time Operation sa Purok 1, Brgy. Poblacion sa lungsod sa Dimataling niining probinsya sa Zamboanga del Sur alas 12:00 kagahapon sa kadlawon.
Nag-ipon og pwersa tropa sa Provincial Mobile Force Company ug elemento sa Dimataling Municipal Police Station aron pagsilbi sa Warrant of Arrest batok sa mga akusado nga nag-atubang sa mga murder ug frustrated murder.
Wala na malugnot ang Top 4 Most Wanted Municipal Level nga MURSALIN USMAN, 35-anyos, nga nag-atubang sa kasong murder ug pagpayuhot sa illegal nga droga.
Nadakpan usab ang laing target nga si RYAN TANTONG, GIAHALEM USMAN MUSA
pareho nga nag-atubang sa kasong murder.
Samtang pagdangat sa alas 2:10 sa kadlawon nadakpan usab sa kapulisan ang laing mga target nga sila si MUHAIMIN MONDALIS, 35-anyos, MACO PELSO, 52-anyos, TING SULAIMAN, 43-anyos pulos dunay kasong muder samtang nasignit usab si AMZAR MAMENTO,32-anyos nga dunay kasong Attempted Murder.
Pagpatong sa takna alas 4:15 sa buntag nasapnan usab sa nironda nga kapulisan ang
mga wanted sa kasong murder nga si SAUNTING USMAN, MORSAD USMAN ug
NORODIN LAM, a.k.a. “ike”, pulos residente sa Brgy. Poblacion, lungsod sa Dimataling.
Katapusang nadakpan ang 27-anyos nga si NADJER BONGA, nga dunay kasong Attempted Murder.
Ang mga dinakpan gikustodiya karon sa Camp Abelon partikyular sa Brgy. Lumbia ning syudad sa Pagadian samtang gipa-ilalom sa dokumentasyon.
