Operation Baklas sa COMELEC, nagapadayon

Davao City – Nagapadayon karon ang ‘Operation Baklas’ sa Commission on Election (COMELEC) o ang pagtanggal sa mga illegal campaign paraphernalia o nakabutang sa dili designated common poster areas ingon man wala nagsunod sa saktong sukod partikular na dinhi sa syudad sa Davao.

Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga daghan gihapon ang mga wala nagpatalinghog sa notice nga gihatag sa buhatan sa mga kandidato.

“Nag start na ang among Operation Baklas ug nakita nato nga medyo ubay-ubay gyud gihapon ang mga kandidato nga wala gyud mituman sa atong pahimangno with regards aning atong common designated area ug tamang mga sukod sa mga election paraphernalia.” segun niini.


Subling nagpahimangno si Caballero nga pasakahan gayud og election offense subay sa fair election act ang mga kandidato nga wala nagpakabana sa pagtanggal sa ilang mga illegal campaign paraphernalia diin gibutyag sa opisyal nga ilang gihatagan og notice ang nahisgutan ayha pa man ang operasyon.

“Gitagaan na namo ni sila og notice before mi nag conduct og Operation Baklas. Ang mga nakita namo nga mga violations is kining mga sukod ug wala pagbutang sa common poster areas.” saysay niini.

RadyoMaN Kirby Manzon

Facebook Comments