General Santos City—gikiha ni Gensan City Councilor Jeng Gacal ang operator sa Trento Gaming corporation nga si Grace Mercado tungod kay iligal matud pa ang pag operate sa Small Town Lottery sa syudad kini subay sa nakalatid sa R.A 9649.
Sumala pa ni kagawad Gacal nga gipasakaan niya ug kasong illegal gambling si Grace Mercado tungod kay nagoperate kini ug STL sa syudad bisan paman ug wala sila gi-otorisa sa lokal nga panggamhanan sa Gensan nga maka pahigayun sa ilahang negosyo, lagmit iligal matud pa ang ilahang operasyon.
Dugang pa ni gacal nga dili maka panghimakak si Grace Mercado nga siya ang operator sa Trento Gaming ug STL tungod siya mismo ang mihatag ug sulat ngadto kay Mayor Ronnel Rivera nga naga representa sa Trento gaming Corporation.
Alas 5.00 ang takna sa hapon kagahapong adlawa nahidangat si kagawad Gacal Regional Trial Court aron ipasang-at ang kaso batok kang Mercado ngadto sa piskalya. (Dave Silagan)
