Opinyon: Lockdown angay magpabilin

25

Davao City – Dili maayo ang ideya nga wagtangon ang community lockdown sa pagkakaron nga wala pa’y kasegurohan nga mapukan sa gobyerno ug sa katawhan ang kamangtas sa COVID-19.

Matud ni Barangay Lapu-Lapu Agdao Sangguniang Kabataan (SK) Chair Paolo Dominic Rodriguez, ang lockdown pang-alkontra sa pandemic aron dili kini mokaylap pa.

Matud ni Rodriguez, samtang wala pa’y klarong bakuna, ang lockdown maoy angay gamitong frontline strategy diin pugngan niini ang non-essential movement sa mga residente ilabi na niadtong kumpirmadong nag-estar sa risgo nga mga lugar sanglit adunay mga nag-positibo sa virus ug dayag gihapon ang infection kun takod.

Gikontra ni Rodriguez ang laraw nga undangon ang lockdown diin dili kini kumbinsido sa gisulti sa World Health Organization (WHO) nga wala makatabang ang maong pamaagi sa pagpildi sa kagaw.

Gisupak usab ni Rodriguez ang pagtugot sa mga menor de edad ingon man mga katigulangan nga makasulod-gawas diha sa mga malls sa punto nga ang maong sektor prone kaayo sa balatian ug kamatayon kon maigo na gani sa nasangpit nga virus.

Pikas bahin, gisugyot ni Lasang SK Kagawad RJ Reyano nga ang ‘family regulation’ hugot gayung tumanon sa tanan diin matag pamilya motamod gayud sa internal discipline nga pagsul-ob og facemask ug face shield kon mugawas sa balay.

Nagtoo si Reyano nga pinaagi sa pag-distansiya og pila ka metros gikan sa mga pasahero sa mga PUJs, mahalikay sila gikan sa COVID-19 nga maoy rason sa kalit nga pagpanaw sa ubay-ubay’ng tawo sa entero kalibutan.




“Dili gyod ko uyon na wagtangon ang lockdown kay ang lockdown isa sa pinaka-importante nga anti-COVID measure hilabi na karong panahona…Wala naga-decrease ang atoang numbers ug kung wala ang lockdown, maglihok ang mga tawo bisa’g dili importante….Unya, ang virus nagatuyok gihapon (sa komunidad),” dugang ni Reyano.

RadyoMaN Joel Viray

Facebook Comments